Мерапрыемствы да Дня памяці воінаў-інтэрнацыяналістаў і 35-годдзя з дня вываду савецкіх войскаў з Афганістана на Мядзельшчыне пачаліся з мітынгу на магіле воіна-інтэрнацыяналіста Івана Аніські.

Сюды завіталі намеснік старшыні раённай арганізацыі Беларускага саюза ветэранаў вайны ў Афганістане Мікалай Калошка, ваенны камісар раёна Віталій Якушаў, старшыня Занарацкага сельвыканкама Уладзімір Зелянкевіч. Да іх далучыліся вучні Старлыгскай сярэдняй школы, якая носіць імя Івана Аніські, разам з намеснікам дырэктара па вучэбна-выхаваўчай рабоце Веранікай Кіслай. Усе разам ушанавалі памяць ураджэнца вёскі Конціненты, які загінуў у Афганістане, усклалі вянкі да яго магілы.
Источник: https://narachanka.by/news/ushanaval-pamyats-vo-na-nternatsyyanal-sta-vana-an-sk-4/