Другі (раённы) этап рэспубліканскай алімпіяды праходзіў на базе ўсіх трох мядзельскіх устаноў агульнай сярэдняй адукацыі.

Удзельнічалі 180 вучняў (у тым ліку 40 — з сельскай мясцовасці). Найбольшай колькасцю ўдзельнікаў былі прадстаўлены каманды гімназіі (45 чалавек), Нарацкай сярэдняй школы №2 (35), Мядзельскай сярэдняй школы №2 (26) і Мядзельскай сярэдняй школы №1 імя Уладзіміра Дубоўкі (22).

Пераможцамі прызнаны 93 удзельнікі алімпіяды (у тым ліку 7 — з сельскай мясцовасці). Дыпломам I ступені адзначана 27 чалавек, дыпломам II ступені — 30, дыпломам III ступені — 36.

Для адбору ўдзельнікаў на трэці этап алімпіяды прадстаўніку абласнога інстытута развіцця адукацыі перададзена 36 работ.