Узнёслыя словы, добрыя пажаданні, заслужаныя ўзнагароды і шчырыя песні — усё гэта было сёння ў гарадскім амфітэатры: Мядзельшчына выпраўляла ў дарослае жыццё выпускнікоў. Юнакоў і дзяўчат, іх бацькоў і педагогаў віталі намеснік старшыні райвыканкама Вольга Михайлаўна Габрусёнак, старшыня раённага Савета дэпутатаў Алег Алегавіч Бароўка, намеснік начальніка ўпраўлення па адукацыі, спорце і турызме райвыканкама Святлана Мікалаеўна Кундра і старшыня райкамам галіновага прафсаюза Ірына Васільеўна Глінская. Ад бацькоў выступіў Андрэй Леўчанкаў. Крэатыўным было выступленне саміх  выпускнікоў.

 Сёлета ў раёне 153 выпускнікі, з іх 7 медалістаў. Гэта выпускнікі гімназіі-інтэрната Мядзела Павел Бярняк, Ілона Кур’яновіч, Марыя Іванова (золата), Мікіта Жукоўскі (срэбра) і Нарацкай СШ №2 Дзяніс Багінскі, Яна Канопская, Ангеліна Леўчанкава (золата).