21 мая 2021 года падведзены вынікі завочнага фіналу абласнога этапу рэспубліканскага творчага конкурсу юных чытальнікаў “Жывая класіка”, прысвечанага Году народнага адзінства.
У мерапрыемстве прынялі ўдзел 93 навучэнцы 1–10 класаў з 22 раёнаў Мінскай вобласці і г. Жодзіна, якія прыслалі сваё відэавыступленне з чытаннем лепшых твораў беларускай літаратуры.
У склад журы конкурсу ўвайшлі старшыня Мінскага абласнога аддзялення Саюза пісьменнікаў Беларусі Святлана Быкава, члены Саюза пісьменнікаў Беларусі вядомыя паэты і пісьменнікі Таццяна Каленік, Таццяна Дашкевіч, Сяргей Клімковіч, дырэктар выдавецтва для дзяцей “Элбіпрэс” Людміла Ляскоўская, супрацоўнікі Мінскага абласнога інстытута развіцця адукацыі.
Па выніках конкурсу пераможцамі сталі:
ў 2-й узроставай катэгорыі (5–6 класы):
Глеб Рыбалт, навучэнец ДУА “Свірскі вучэбна-педагагічны комплекс дзіцячы сад – сярэдняя школа”, дыплом 3-й ступені (Васіль Жуковіч, “Беларус”);
ў 3-й узроставай катэгорыі (7–8 класы):
Вераніка Сівіцкая, навучэнка ДУА “Сырмежскі вучэбна-педагагічны комплекс дзіцячы сад – базавая школа”, дыплом 3-й ступені (Ірына Багдановіч, “Запаведнае”);
ў 4-й узроставай катэгорыі (9–10 класы):
Андрэй Роўда, навучэнец ДУА “Нарацкая сярэдняя школа № 2”, дыплом 1-й ступені (Уладзімір Караткевіч, “У векавечнай бацькаўшчыне клёны”);
Удзельнікі, якія ўзнагароджаны дыпломамі І ступені абласнога этапу конкурсу, будуць прадстаўляць Мінскую вобласць на рэспубліканскім этапе творчага конкурсу юных чытальнікаў “Жывая класіка”, прысвечанага Году народнага адзінства.
Віншуем юных чытальнікаў і іх педагогаў з перамогаю!
Жадаем Андрэю Роўдзе поспехаў на рэспубліканскім этапе конкурсу!