Педагогі Мядзельскага краю.
Знаёмцеся – Яніна Вацлаваўна Дземідовіч, настаўніца беларускай мовы і літаратуры ДУА “Будслаўская СШ імя Паўліны Мядзёлкі”. Усё сваё майстэрства і талент педагога імкнецца выкарыстаць у рабоце з дзецьмі. У вольную хвіліну, якая рэдка бывае ў настаўніка, часам з’яўляецца натхненне, каб выказаць свае думкі вершаваным радком пра родную школу, сваю маленькую радзіму і яе людзей, каханне, успаміны пра дзяцінства.
ПРАФЕСІЙНАЕ
Настаўнік і вучань…
Не вельмі ўсё проста.
Стараемся, вучым,
Мудрэем з узростам.
І раптам складана:
Штосць не ўдаецца.
І як жа, цікава,
Дастукацца ў сэрца?
Сцяжынка прамая
Крутою здаецца.
А як пагукаеш –
Так адзавецца.
І зноўку не спіцца,
І роздум прыходзіць:
Як падступіцца,
Каб не пашкодзіць,
Парасткам кволым
На свет даць прабіцца…
І вучню, і настаўніку
Трэба вучыцца.