14 верасня прайшлі сустрэчы вучняў дзяржаўных устаноў адукацыі “Будслаўская СШ імя П.Мядзелкі”, “Крывіцкі ВПК д/с-СШ”, “Сваткаўская СШ імя М.Танка” з сучаснымі беларускімі паэтамі, сярод якіх былі і нашы землякі: Рагнед Малахоўскі і Мікола Шабовіч. Узначальваў дэлегацыю літаратараў Генадзь Пашкоў. Сустрэчы прайшлі ў цеплай, сяброўскай атмасферы. На памяць аб пройдзеным мерапрыемстве госці падаравалі бібліятэкам наведаных устаноў адукацыі свае кнігі, а таксама збор твораў Максіма Танка. Вучні, у сваю чаргу, уручылі шаноўным гасцям кветкі і сувеніры.