17 верасня споўнілася 100 год з дня нараджэння народнага паэта Беларусі Максіма Танка. 15 верасня ў г.Мядзел адбылося рэспубліканскае свята паэзіі і песні “Я сэрцам пісаў сваю кожную песню …”, прысвечанае юбілею. У рамках свята прайшоў конкурс-пленэр вучняў з устаноў адукацыі г.Мядзеля. Юныя мастакі на паперы адлюстроўвалі свае уражанні ад прачытанных твораў паэта. Дзеці тварылі паводле паэмы “Люцыян Таполя”, вершаў “Люблю твае, Нарач, затокі і тоні”, “Ля вогнішч начлежных”, “У заапарку” і многіх іншых. Усе удзельнікі атрымалі памятныя падарункі.